Ka ahatia ki te kore e taea e koe te whiriwhiri mōu anō?
He aha tēnei ture te Enduring Power of Attorney?
Ko tā te Enduring Power of Attorney (EPA) he tuku atu i tō mana whakaae ki tētahi atu tangata (arā, ki tō tama, tamāhine, hoa rangatira, hoa piritata, ki a wai rānei) e taea ai e rātou tētahi whiringa te whakatau mōhou e pā ana ki tō hauora, āu rawa, tae atu ki ōu pānga whenua, Māori mai, Pākehā mai.
E rua ngā momo EPA:
- EPA hei āta tiaki mārire i te tangata – tōna wairua, tōna tinana
- EPA hei āta tiaki mārire i te moni me ngā rawa a te tangata
Ka taea e koe te EPA te whakarite i te wā e hiahiatia ana, i te wā ka āhei tonu koe ki te whakatau i ōu ake whakaaro, ahakoa te kaupapa.
Ka whai mana anake te EPA hei āta tiaki mārire i te tangata ina whakatauria e tētahi takuta e kore e taea e koe te whiri whakaaro mōhou anō, he mate nōhou pērā i te rangiruatanga (arā, dementia).
Erangi, ka whai mana te EPA hei āta tiaki mārire i āu moni me āu rawa i te wā ka whakaae koe kia tukua atu taua mana.
He aha te take me whakaaro koe kia whakaritea he EPA?
He tino painga tō te EPA hei āwhina i a koe ki te āta titiro whakamua. Mā te EPA e taea ai e koe tētahi tangata e whakapono atu ai koe te whiriwhiri hei māngai māhau ina kore ai e taea e koe te whiriwhiri mōhou anō.
Tēnā pea ka hiahiatia e tētahi atu tangata kia mōhio ki ōu ake whakaaro mō tō hauora, āu kaute pēke, āu inehua, te aha, te aha. Mā te EPA e mōhio mārika ai ngā tāngata katoa nāhau tonu i whakaae atu kia tū tētahi tangata hei māngai māhau mō ēnei tūmomo take.
Ina kore i whakaritea ai e koe tētahi EPA me te kore taea hoki e koe te whiriwhiri mōhou anō mā te Kōti Whānau pea tētahi tangata e whakarite hei māngai māhau. Ina whakaritea e koe tētahi EPA i te wā e taea tonutia ai e koe, kei a koe tonu te mana whakatau, ā, kua kore hoki he take mā tētahi kōti.
Me pēhea e whakarite ai i tētahi EPA?
Hei whakarite i tētahi EPA me whakakī e koe ētahi puka ā-ture. Me mahi tahi hoki koe me tētahi rōia.
He utu mā te rōia ki te whakarite EPA. I tēnei wā o te whakaputanga o ēnei kōrero ko te Tari Tiaki Iwi (Public Trust) te wāhi e iti iho ana te utu mō te āwhina atu hei whakarite EPA.
Hei rapu mōhiohio, hei whakawhiti whakaaro me whakapā atu ki tō Pūtahi Ture ā-Hapori, ki reira matapakina ai ōu wawata. Kāhore hoki he utu o reira.
Pānuihia mai tēnei puka e mōhio ai koe ki ngā tikanga katoa o te EPA.
> DOWNLOAD Tukua mai te kōnae PDF [0.28MB]
Acknowledgements
Age Concern would like to thank the following people for their advice and suggestions in this development-
- Mr Bill Aston, Kaumatua, Age Concern Tairāwhiti
- Frances Toroa, Chief Executive Officer, Age Concern Tairāwhiti
- Dr Mere Kēpa, Ngāpuhi, Ngāti Whātua, Ngai Tūhoe, Whakatōhea. Life and Living in Advanced Age Cohort Study in NZ (LiLACSNZ) Project
- Te Oranga Kaumatua Kuia Disability Support Services Trust
Thank you also to VMD Collier Charitable Trust for their generous donation towards the cost of production and printing.